Is Coggius

Email: info@santujacu.com

Via Perra 8/a

09070 Nuraxinieddu

Oristano

Cod.Fisc.: 90031640957

 

 

1.

De Maria Solomee

in Galilea ingendradu;

Apostolu destinadu

de cuddu divinu Ree

de sa catolica lee

predicatore eccellente

 

2.

In cudd’isola sagrada,

ue dicat sas doctrinas,

de sas grandesas divinas

sa Sapientia Increada.

Tenides laura alcanzada

de discipulu sapiente.

 

3.

Lassada sa vanidade

de mundanas pretensiones

cun perfettas intenziones

ametis sa santidade;

s’Incarnada Veridade

sighinde continuamente.

 

4.

Occupadu in su piscare

Bos lamèsit su Messia:

pro li fagher compagnia

lassestis tottu in su mare.

Senza niente pensare

sighestis su Salvatore.

 

 

5.

Cand’in su Tabor tirèsit

a sa gloria sas cortinas;

a tristesas peregrinas

cand’in s’ortu s’intreghesit

sempre Jesus bos portesit

pro testimongiu presente.

 

6.

Cun singolare valore

su martiriu hazis chircadu;

a su bider preparadu

su calighe ‘e su Signore,

mustrende signu de amore

e de caridade ardente.

 

7.

Cun muttetos suberanos

e canticos gloriosos

Bos celebran ossequiosos

turcos, moros, cristianos.

Festa sos Compostellanos

Bos faghen solennemente.

 

8.

Purpuradu soberanu !

Cunfessore prodigiusu !

Apostolu gloriosu !

E celeste cortesanu !

Amparade su cristianu

in custa vida presente.

De Gesùs grand'amadore,

dispensadore potente

 

Siades nostru defensore

Giacu Apostolu eminente.